NGKMP Afkondigings

Die AWESM-kursus vir 2012

Hierdie jaar by die gemeente wil ons graag ‘n kursus begin wat hand-aan-hand met die kategese funksioneer. Hierdie kursus gaan ons help om bietjie meer te verstaan van sekere aspekte van ons geloof en in ons lewens. Die kursus sal geskied vir Gr 4-6 en vir Gr 7-11. Daar is, soos die akroniem AWESM wys, 5 aspekte waarna ons gaan kyk, en jy kan kies watter een van die 5 jy graag wil bywoon.
A - Almal (Sosiale geregtigheid en gemeenskapbevordering)
W - Waardes wat werk
E - Ek (Persoonlike verhouding)
S - Skrif (Hoe ons Bybel lees)
M -  Mentorskap

Die eerste byeenkoms gaan handel oor die M – Mentorskap. Vir die hoërskool sal dit 29  Mei 2012 plaasvind. Verdere datums sal weergegee word.
Ons hoop om julle daar te sien! Kontak asb Hendrien by 072 517 4851 of Wynand by 079 695 3508 indien u enige navrae het.

Ons is in die proses om ons eie silikoon AWESM armbandjies te laat maak in alle kleure! Laat weet vir Wynand by 079 695 3508 indien jy belangstel

Kombersprojek

Ons jaarlikse kombersprojek neem vandag ‘n aanvang en sal vir die duur van Mei voortgaan. Indien u ‘n bydrae wil maak kan u ‘n donasie van R100 in ‘n koevert gemerk “Kombersprojek” in die kollektehouer plaas of by die kerkkantoor inbetaal. Baie dankie!

Verlede jaar is R15600 ingesamel en 425 komberse aangekoop en versprei.

Silikoon bandjies

Nuwe lidmate

Die volgende lidmaatskapbewyse is vanaf Moreleta Park gemeente ontvang:

• Schalk Blignaut van Staden
• Anna Hendrieka Elizabeth Bezuidenhout (nou van Staden)
• Charlize van Staden
• Anke van Staden
• Charl Francois van Staden

Senior Kategese

Sien al die vrae HIER

Debietorder

‘n Debietorderopdrag is verlede Sondag deur ‘n lidmaat in die kerkkantoor gelaat. Daar is ongelukkig nie ‘n naam aangebring nie. Kontak asseblief die kerkkantoor.

Gebedskruik

Kom ons bid vir mekaar:

'n Aantal van ons lidmate is ongesteld en u voorbidding word vir hulle gevra:

• Jannie Naude
• Huntley Logie
• Karel Limbach
• Danie Schultz
• Lien Howatt
• George Wassenaar

OPLEIDING VIR GELOWIGES PER KORRESPONDENSIE

Die Hugenote-Bybelinstituut, ‘n afdeling van Bybel-Media, bied in samewerking met die Sentrum vir Kontekstuele Bediening by die Fakulteit Teologie, Universiteit Pretoria, per korrespondensie die volgende geakkrediteerde tweejaarkursusse aan:
1. Bybel- en Godsdienskunde,
2. Christelike Nood- en-Traumaberading (saamgestel deur Maretha Maartens),
3. Jeugbediening en
4. Sending
Die opleiding geskied per korrespondensie en kan by belangstellendes se dagprogram inpas. Van die student word verwag om werkstukke te voltooi en in te lewer. Vakkundiges doen die nasienwerk en evaluering. Inskrywing kan enigie tyd van die jaar geskied.
Lidmate word aangemoedig om van hierdie unieke en waardevolle geleentheid gebruik te maak. Vra ‘n gratis prospektus aan by: HBI, Privaatsak X5, Wellington, 7654, Tel: 021 864 8283. Faks: 021 086 532 1261, E-Pos: Hierdie e-posadres word van Spambotte beskerm. Jy moet JavaScript ontsper om dit te lees. . Webwerf: www.bmedia.co.za.

Algemene kennisgewings en inligting

• Nuwe intrekkers moet so gou moontlik 'n nuwe intrekkervorm (beskikbaar in die kiosk) invul sodat hulle deur 'n predikant besoek kan word. Debietordervorms is by die kiosk beskikbaar. Kalenders vir 2010 is ook beskikbaar.
• Kontak asb. een van die leraars indien u siekebesoek verlang of bewus is van iemand wat ongesteld is of hospitaal toe gaan.
• Indien u behoefte het om deur ’n predikant besoek te word is u welkom om ’n strokie in te vul en in die “nuwe intrekker” kassie te plaas waarna die betrokke leraar u sal kontak vir ’n afspraak.
• ’n Herwinningshouer vir glasbottels is naby die Vodacomtoring op die terrein geplaas – ondersteun asb. hierdie gemeentelike projek deur u ou glas bottels daarin te plaas.
• Ons epos adres is ngkerkmpark at worldonline.co.za (at->@)
• Persone wat advertensies (nie langer as 25 woorde nie) in die Ramshoring wil laat plaas moet dit asseblief voor die 10de van 'n maand saam met betaling van R50 by die kerkkantoor indien.
• “Gebedsfokus” blaadjies is agter in die kerkruim beskikbaar. Neem gerus een en word deel van die gemeente se gebedsbediening.
• Lidmate word genooi om deel te word van die gemeente “Gebedskakel”. ’n Lys is op die kennisgewingbord beskikbaar waar lidmate kan aandui wanneer hulle beskikbaar is om vir spesifieke sake te bid.
• Die gemeente is betrokke by ’n projek by Vosstraat om gekookte etes aan minderbevoorregtes te voorsien. Gemeentelede word versoek om asb. ’n bord in die kiosk te neem, een gekookte ete daarin te skep en die gevriesde ete op ’n Sondag in die vrieskas in die konsistorie te plaas. Baie dankie!
• Elizabeth by 012 342 5720 of epos Neo Birth help vrouens wat onbepland swanger is. As jy ‘n verskil in iemand se lewe wil maak kontak gerus vir Hierdie e-posadres word van Spambotte beskerm. Jy moet JavaScript ontsper om dit te lees.

Oggendaanbiddingsessies

Die weeklikse Dinsdagoggendaanbiddingsessie sal van 05:45 tot 06:15 (30 minute) duur en sal uit ’n baie kort skriflesing bestaan wat opgevolg word deur stil of spontane gebed deur gemeentelede. Dit sal in die KERK plaasvind.

Elkeen van u word hiermee hartlik uitgenooi om daarin te kom deel.